Heim Beint á efnisyfirlit síðunnar

Pantanir á bókum: Hægt er að panta bækur og önnur gögn. Pöntunargjald er 105 kr. og greiðist þegar bókin(gagnið) er pöntuð. Hringt er í viðkomandi lánþega þegar bókin kemur inn, en hafi hún ekki verið sótt innan sólarhrings er hún lánuð öðrum.

Tölvukostur: Í safninu eru tvær nettengdar tölvur fyrir almenning. Hægt er að fá útprentun og kostar hver A4 síða 40 kr. (í lit 80 kr.) og A3 50 kr. (í lit 100 kr.). Aðgangseyrir að tölvum er kr. 205 fyrir hverja klst. Ekki er hægt að nota minnislykla í gestatölvur bókasafnsins. Á safninu er þráðlaust net og geta safngestir því komið með fartölvur sínar og farið frítt á netið. Þráðlausa netið tengist ekki prentara. Starfsfólk veitir aðstoð við heimildaöflun og notkun tölva.

Safnkynningar:
Bókasafnið býður upp á safnkynningu fyrir alla nemendur grunnskóla Garðabæjar. Tilgangurinn með safnkynningum fyrir skólanema er að þeir læri að þekkja almenningsbókasafnið sitt svo þeir geti nýtt sér það sem best í námi og leik.

Sögustundir:
Panta þarf sögustundir með minnst eins dags fyrirvara í síma 525-8550 eða á póstfangið rosa@gardabaer.is. Tilgreina þarf fjölda og aldur barna sem lesa á fyrir. Að öðru leyti er öllum frjálst að koma í bókasafnið hvenær sem er á opnunartíma þess til að skoða, lesa og lita eða gera eitthvað annað skemmtilegt.

Innkaupstillaga: Hægt er að leggja inn innkaupstillögu ef bók sem leitað er að er ekki til í Bókasafni Garðabæjar. Það er gert með því að velja Innkaupstillaga sem er á heimasíðu safnsins og fylla út þar til gert eyðublað.

Heimsending bóka: Þeir sem geta ekki komið á bókasafnið sökum fötlunar eða veikinda geta hringt á safnið og fengið bækur sendar heim.

 

 

 

English
Hafðu samband