Hvað er Rafbókasafnið?

Markmiðið er að bjóða almenningi upp á ókeypis aðgang að fjölbreyttu úrvali hljóðbóka, rafbóka og tímarita, en Rafbókasafnið er aðgengilegt lánþegum nær allra almenningsbókasafna á Íslandi. Rafbókasafnið er samstarfsverkefni Landskerfis bókasafna og almenningsbókasafna. 

Þau sem eiga bókasafnskort í gildi hjá Bókasafni Garðabæjar eða öðrum aðildarsöfnum Rafbókasafnsins, geta fengið bækur og tímarit að láni á Rafbókasafninu. Sjá lista yfir aðildarsöfn hér.

Rafbókasafnið - fá aðgang

Þú þarft gilt bókasafnskort hjá Bókasafni Garðabæjar.

Símar og spjaldtölvur

Einfaldast er að nota Rafbókasafnið í síma eða í spjaldtölvu með Libby appinu. Nálgist appið í App Store eða Google Play.
Strikamerkisnúmerið á bókasafnskortinu og lykilorðið fyrir leitir.is er notað til þess að virkja aðganginn.
Nánari leiðbeiningar hér fyrir neðan.

Tölvur

Hægt er að hlusta, lesa og skoða úr tölvunni á rafbokasafn.is, en einnig er hægt að setja upp Libby appið á libbyapp.com.
Strikamerkisnúmerið á bókasafnskortinu og lykilorðið fyrir leitir.is er notað til þess að virkja aðganginn.
Ef þú vilt hlaða niður bókum í tölvuna þarf að setja upp Adobe Digital Editions forritið.
Nánari leiðbeiningar hér fyrir neðan.

Lesbretti

Hægt er að lesa bækur Rafbókasafnsins á flestum lesbrettum, öðrum en Kindle og Storytel.
Til þess að lesa bók frá Rafbókasafninu á lesbretti þarf fyrst að stofna Adobe ID-aðgang og sækja og setja upp Adobe Digital Editions forritið á tölvu. Bókinni er svo hlaðið niður á tölvuna, hún opnuð í Adobe Digital Editions og færð þaðan yfir á lesbrettið.

Strikamerkisnúmer og lykilorð

Manstu ekki lykilorðið eða viltu búa til lykilorð?

Lykilorðið sem notað er til að skrá sig inn á Rafbókasafnið er það sama og á leitir.is.
Hér býrðu til eða sækir um nýtt lykilorð fyrir leitir.is og Rafbókasafnið. ATH. Auðkenni notenda = kennitala

Hvernig finn ég strikamerkisnúmerið mitt?

Kortanúmerið er á bókasafnskortinu þínu og byrjar oftast á GE, A, B, IL eða 400.
Ef þú ert með stafrænt bókasafnskort getur þú skoðað kortanúmerið í símanum.
Þú getur einnig fundið það undir Mínar stillingar á leitir.is.

Hvað má hafa bækur lengi í láni?

Lánstími er ýmist 7, 14 eða 21 dagar og gögnin skilast sjálfkrafa að lánstíma liðnum.
Við hvetjum þig til að skila gagninu um leið og þú klárar - svo næsti geti notið. Ef enginn er að bíða eftir bókinni getur þú framlengt lánstímann.
Það eru engar sektir á Rafbókasafninu.

Hvað má hafa margar bækur að láni í einu?

Þú getur haft 21 bók að láni í einu og sett inn 21 frátekt.

Þarf að tengast netinu til að lesa eða hlusta á rafbækur?

Þú getur hlaðið niður bókum og tímaritum í Libby appinu fyrir síma og spjaldtölvur eða Adobe Digital Editions forritinu fyrir tölvur og lesbretti og notið þegar þér hentar.
Nettenging er nauðsynleg til að lesa og hlusta í vafra.

Er hægt að nota Rafbókasafnið án þess að hlaða niður öppum eða forritum?

Hægt er að hlusta og lesa í vafra á tölvu, spjaldtölvu eða snjallsíma og því er ekki nauðsynlegt að hlaða niður neinum öðrum forritum til þess.

Ef þú ert með spurningar eða ábendingar varðandi Rafbókasafnið er hægt að senda póst á bokasafn@gardabaer.is eða leita til starfsfólksins á þínu bókasafni.