Heim Beint á efnisyfirlit síðunnar

ALLIR VELKOMNIR Í BÓKASAFN GARÐABÆJAR!

Bókasafn Garðabæjar er almenningsbókasafn sem er öllum opið. Bókasafnið heyrir undir menningar- og safnanefnd Garðabæjar. Bókasafnið er á tveimur stöðum; aðalsafn á Garðatorgi 7 og útibúið Álftanessafn sem er rekið með skólasafni Álftanesskóla við Eyvindarstaðaveg.

Bókasafnið er upplýsinga- og menningarmiðstöð sem veitir aðgang að fjölbreyttum bókakosti, gögnum og miðlum til fræðslu og afþreyingar í þeim tilgangi að örva lestraráhuga og styðja við menningarlíf samfélagsins. Starfsfólk safnsins er ætíð reiðubúið til að veita aðstoð. Gestir fá aðgang að tölvum og þráðlausu neti. Einnig er hægt að fá aðstoð við að prenta, ljósrita, skanna og fleira. Hægt er að fá safnefnið lánað heim eða lesa það og skoða á safninu sjálfu.

Hlutverk bókasafnsins er meðal annars að veita aðgang að fjölbreyttum bókakosti og rafrænum miðlum til fræðslu og afþreyingar. Þá er safninu ætlað að efla íslenska tungu, stuðla að símenntun og síðast en ekki síst styðja við atvinnu- og menningarlíf í Garðabæ ásamt því að safna gögnum um sögu Garðabæjar. 

Á 2. hæð safnsins er lesstofa með lesbásum og borðum. Lesstofan er opin á sama tíma og bókasafnið.

Fólk er hvatt til að kynna sér bókasafnið sem er fullt af efni til fróðleiks og skemmtunar.

English
Hafðu samband