Bara ef...

Bara ef… afmælisbarnið hefði ekki heimtað skilnað fyrir framan alla gestina í óvæntu afmælisveislunni.
Bara ef… hægt væri að segja hinum verðandi föður frá jákvæða óléttuprófinu.
Bara ef… krakkarnir heimtuðu ekki hund, sá gamli væri ekki dottinn í það uppi í bústað og sögusagnir um framhjáhald ekki komnar á kreik.
Bara ef… lífið væri örlítið bærilegra!
Bara ef… er sprenghlægileg saga úr samtímanum eftir Jónínu Leósdóttur sem heldur lesendum við efnið frá upphafi til enda.
Jónína Leósdóttir (f. 1954) lauk stúdentsprófi úr fornmáladeild Menntaskólans í Reykjavík og BA-prófi í ensku og bókmenntafræðum frá Háskóla Íslands. Einnig stundaði hún nám við Essexháskóla í Bretlandi. Hún hefur starfað sem blaðamaður og skrifað ævisögur, leikrit og skáldsögur. Verk eftir hana hafa verið sýnd í sjónvarpi og á leiksviði og flutt í útvarpi. Jónína hefur hlotið ýmsar viðurkenningar fyrir skrif sín, þar á meðal Ljóðstaf Jóns úr Vör og Vorvindaviðurkenningu IBBY á Íslandi.

Höfundur: Jónína Leósdóttir