Hrollvekjandi skáldsagan Hælið eftir Emil Hjörvar Petersen

Aftakan var aðeins upphafið. Allt virðist leika í lyndi hjá verslunarstjóranum Uglu, eiginmanni hennar og unglingum þeirra tveimur. Þau eru nýflutt inn í glæsilega íbúð í námunda við gamla Kópavogshælið og lífið gengur sinn vanagang. Fjótlega fara þó afar undarleg atvik að eiga sér stað sem Uglu grunar að tengist óreglusömum nágranna fjölskyldunnar, listamanninum Hrafni Vuong. Ástandið versnar, veruleikinn er annar en hann sýnist og þegar Ugla er á barmi taugaáfalls fær hún skilaboð frá konu sem vistuð var á Kópavogshæli áður en því var lokað. Fjölskyldan er í mikilli hættu. Hælið er hrollvekjandi og listilega fléttuð skáldsaga sem hrífur lesandann með sér á óhugnanlegt flakk um bæði tíma og rúm, þar sem drepsóttir fortíðar og aftökur í voginum koma við sögu. Emil Hjörvar Petersen sýnir enn á ný að hann er sankallaður sagnameistari á sviði hins dulræna í íslenskum skáldskap, en hann er lesendum að góðu kunnur meðal annars fyrir hrollvekjuna Ó, Karítas, sem kom einnig út undir merkjum Storytel Orginal, og verðlaunabókina Víghóla.