Listadagar á bókasafninu Garðatorgi 7 – hátíð laugardaginn 21. apríl
13.04.2018
.jpg?proc=ContentImage)
Katrín Matthíasdóttir og Pálmi Ragnar Pétursson munu lesa söguna um litla Dag, sýna myndskreytingar úr bókinni og bjóða áhugasömum börnum að teikna undir leiðsögn.
Ævintýrið um litla Dag er skemmtileg saga fyrir unga sem aldna. Litli Dagur býr ásamt foreldrum sínum þar sem allir dagar búa áður en þeir kvikna og koma til jarðarinnar. Þegar nóttin skellur á snúa dagarnir aftur til síns heima.
Nokkrir úr 4. bekk grunnskóla og næstelsta árgangi leikskólanna koma í vinnustofu um uppfinningamanninn/konuna, vinna sögu og búa til bók í tilefni af listadögum. Þessi vinnustofa fer fram á bókasafninu Garðatorgi og Hönnunarsafni Íslands. Bækur verða til sýnis á meðan listadögum stendur dagana 19. apríl til 29. apríl (bókasafnið er lokað á Sumardaginn fyrsta). Eins mun deild frá leikskólanum Bæjarbóli sýna listaverk sín á bókasafninu og syngja fyrir gesti og gangandi kl.10:15 mánudaginn 23. apríl.