Heimilisskipulagið með Virpi Jokinen 6.október klukkan 17.30
30.09.2022

Virpi Jokinen ræðir um hvernig gott skipulag getur nýst sem verkfæri á Bókasafni Garðabæjar, Garðatorgi 7 fimmtudaginn 6. október kl. 17:30.
Skipulagsleysi á heimilinu eða vinnustaðnum getur endurspeglast í líðan; þegar maður hugsar um tiltekt en veit ekki hvar á að byrja og manni fallast hreinlega hendur.
Megináhersla erindisins er hvernig heimilisskipulagið nýtist sem tól í átt að bættri líðan og um mikilvægi þess að skoða raunverulegar þarfir okkar og langanir hér og nú - og að aðgreina þær frá þörfum og löngunum liðinna tíma.
Virpi Jokinen rekur fyrirtækið Á réttri hillu og er fyrsti vottaði skipuleggjandinn (e. Professional Organizer) hér á landi, svo vitað sé. Hún er finnsk, tveggja barna móðir og hefur búið á Íslandi í rúman aldarfjórðung.