Veiði- og fluguhnýtingar með Sigurði Héðins þriðjudaginn 28.nóvember kl. 17.30

Hinn þekkti veiðimaður, Sigurður Héðinn, kemur á mánaðarlegan Fróðleiksmola á Bókasafni Garðabæjar og kynnir nýja bók sína, Komdu að veiða
Í Komdu að veiða fer Sigurður Héðinn með veiðimenn og -konur í ferðalag um sumar af bestu ám landsins og segir frá helstu veiðistöðum í hverri á – og hvernig eigi að veiða þá. Með vatnslitamyndum af hverjum stað verður upplifun lesandans enn sterkari. Auk þess birtir hann hér nýjar veiðiflugur og veitir fjölmörg góð ráð við laxveiðarnar.
Sigurður Héðinn er einn af bestu og þekktustu veiðimönnum landsins og hefur bæði unnið sem leiðsögumaður veiðimanna um áraraðir og verið einn einn af fremstu fluguhnýturum landsins. Reyndar eru flugur hans heimsþekktar og notaðar víða um heim.
Áður hafa komið út þrjár veiðibækur eftir Sigga sem allar hlutu mjög góðar viðtökur.
Verið velkomin!