Leshringir Bókasafns Garðabæjar

Klassíski leshringurinn

Leshringur hefur verið starfandi við bókasafnið frá árinu 2000 og er nú orðinn fastur liður í starfsemi bókasafnsins. Leshringurinn hittist annan hvern  þriðjudag kl. 10:30 yfir vetrartímann. Umsjónarmaður er Rósa Þóra Magnúsdóttir, bókmenntafræðingur.

Allir eru velkomnir í leshringinn. 

Hinn klassíski leshringur Bókasafns Garðabæjar hittist annan hvern þriðjudag. 
Meðlimir fá fræðsluefni í hendur sem hópurinn fer yfir saman og ræða síðan höfunda, verk þeirra, stefnur og strauma og þematengd efni á léttu nótunum.
Kaffi í boði, notalegheit, skemmtilegt spjall og fræðsla.

Norræni leshringurinn

Bókasafn Garðabæjar stendur fyrir norrænum leshring í samstarfi við Norræna félagið í Garðabæ. Leshringurinn er mánaðarlega frá janúar til maí, og september til desember þriðja fimmtudag í mánuði kl. 19. Útvarpskonan Jórunn Sigurðardóttir mun leiða leshringinn og lesnar verða norrænar bókmenntir sem komið hafa út í íslenskri þýðingu.

Norrænæi leshringurinn var upphaflega Lauflétti leshringurinn sem er búinn að vera starfsandi síðan haustið 2018. Lesefnið er allskonar og er ætíð ákveðið fyrirfram og er þetta árið með áherslu á norrænar bókmenntir í íslenskri þýðingu.

Allir velkomnir. Hægt að skrá sig við komu eða með tölvupósti; bokasafn@gardabaer.is.
Dagskrá hverju sinni er undir viðburðir á heimasíðu bókasafnsins og facebook.