Bókaverðlaun barnanna

Á hverju ári standa bókasöfn landsins fyrir vali barna á bestu barnabók ársins. Að þessu sinni tóku 280 börn  í Garðabæ þátt í Bókaverðlaunum barnanna.  Atkvæðagreiðslan fór fram í Bókasafni Garðabæjar og grunnskólum bæjarinsog kusu börnin sína uppáhaldsbók, íslenska og erlenda, frá árinu 2009.  Niðurstöður úr kosningunni í  Garðabæ liggja nú fyrir og svipar þeim mjög 
til úrslitanna fyrir landið allt, en Borgarbókasafnið kynnti þau á Sumardaginn fyrsta og verðlaunaði þá höfund og þýðanda bókanna sem börnin  kusu í  fyrsta sæti                                        .                                                                                        

Íslenskar bækur:
1. Núll núll níu eftir Þorgrím Þráinsson 
75 atkvæði  
2. Prinsessan á Bessastöðum eftir Gerði Kristnýju 57 atkvæði 
3. Ég og þú  eftir Jónínu Leósdóttur 
48 atkvæði

Erlendar bækur:
1. Stórskemmtilega stelpubókin  eftir Andrea J. Buchanan  89 atkvæði 
2. Skúli skelfir og jólin, Skúli skelfir og hræðilegi snjókarlinn eftir Francescu Simon  85 atkvæði
3.  Einhyrningurinn minn: Vetrarósk eftir Lindu Chapman  32 atkvæði

Þrír heppnir þátttakendur voru dregnir út og hljóta þau bók í verðlaun. Þau eru: 
Birgir Guðlaugsson 8 ára,
Soffía Líf Þorsteinsdóttir 8 ára
Fjóla Ósk Guðmannsdóttir, 10 ára. 
Þau geta nálgast vinninginn sinn í afgreiðslu Bókasafns Garðabæjar.  Bókasafnið þakkar öllum þeim börnum sem tóku þátt kærlega fyrir þátttökuna.