Bréf frá bókasafninu til tveggja ára barna

Á næstu dögum mun öllum börnum fæddum 2013 berast bréf þar sem þeim er boðið að koma annaðhvort í Bókasafn Garðabæjar, Garðatorgi eða í Álftanessafn og sækja gjöf sem er poki, bók og bókamerki ásamt ýmsu fræðandi efni fyrir foreldra um mikilvægi lesturs.
Tilgangur gjafarinnar er lestrarhvetjandi verkefni í víðum skilningi en þá gefst yngstu kynslóðinni og fjölskyldum þeirra kostur á að kynnast almenningsbókasöfnum Garðabæjar nánar og stofna eigið skírteini.