Höfundur í heimsókn: Kjartan Atli mætir laugardaginn 24.september klukkan 12

Rithöfundurinn, fjölmiðlamaðurinn og körfuboltakappinn Kjartan Atli Kjartansson mætir til okkar á Bókasafn Garðabæjar á Garðatorgi laugardaginn 24. september kl. 12:00 og les upp úr bók sinni Saman í liði um þau Lóu og Börk.
Saman í liði er allt í senn spennandi og skemmtileg keppnissaga og mikilvæg bók um vináttuna.
Bækur Kjartans Atla Kjartanssonar fjölmiðlamanns um körfubolta hafa komið út á Íslandi og í Bandaríkjunum og fengið frábærar viðtökur. Hann hefur áratuga reynslu af körfuboltaþjálfun í yngri flokkum og hefur einnig fengis við kennslu á unglingastigi.
Saman í liði er fyrsta skáldsaga Kjartans Atla og er hún byggð á reynslu hans úr barna- og unglingastarfi.

Allir velkomnir